„Ég hélt að rafmagnsgolfkerra væri eitthvað sem maður keypti eftir sextugt“

Reynsla Sóla Hólm af NAVEE Birdie 3 og 3X

Flestir kylfingar hafa líklega hugsað með sér að rafmagnsgolfkerra sé eitthvað sem þeir kaupi síðar á ævinni. Kannski þegar líkaminn er farinn að gefa aðeins eftir eða þegar golfið verður meira afslöppun en keppni.

Skemmtikrafturinn og kylfingurinn Sóli Hólm var nákvæmlega á þeim stað.

„Þegar ég byrjaði í golfi sá ég alltaf fyrir mér að ég myndi kaupa mér rafmagnsgolfkerru einhvern tímann eftir sextugt. Ég er bara 43 ára í dag og fékk tækifæri til að prófa NAVEE Birdie kerrurnar. Ég verð bara að viðurkenna að það er ansi erfitt að hugsa sér að fara aftur í venjulega golfkerru.“

Eins og að vera með eigin caddie

Það sem kom Sóla mest á óvart var hversu miklu meiri ánægju hann hafði af því að ganga völlinn.

Í Follow Me stillingu fylgir Birdie 3X eigandanum sjálfkrafa um völlinn, sem þýðir að ekki þarf að ýta eða draga kerruna á milli högga. Fyrir marga breytir það allri upplifuninni.

„Þetta er bara eins og að vera með caddie. Ég þarf ekki að halda í neitt. Ég get bara gengið og einbeitt mér að golfinu. Ef ég vil stjórna henni sjálfur geri ég það með fjarstýringunni.

Minni orka í kerruna – meiri orka í golfið

Þó að golfkerra slái ekki höggin fyrir kylfinginn getur hún hjálpað til við að gera hringinn afslappaðri. Minni orka fer í að ýta eða draga kerru og meiri athygli getur farið í næsta högg.

Sóli segir að það hafi ekki liðið á löngu þar til hann tók eftir breytingu.

„Nokkrum dögum eftir að ég fékk kerruna fór ég í fyrsta skipti undir 100 högg.“

Hann segir það auðvitað með bros á vör þegar hann bætir við:

„Ég get alveg ábyrgst að þessi kerra taki 8–12 högg af skorkortinu… og ef það gerist ekki, þá eruð þið líklega bara of góð í golfi!“

Það er augljóslega sagt í léttum dúr, en undirstrikar hversu jákvæða upplifun hann hafði af því að spila með rafmagnsgolfkerru.

Er erfitt að fara til baka?

Eftir að hafa notað NAVEE Birdie 3X stendur eitt sérstaklega upp úr hjá Sóla.

„Það er ansi þungt skref til baka.“

Þegar kerran sér um að flytja golfsettið, fylgir eigandanum um völlinn og er alltaf tilbúin með einni snertingu á fjarstýringunni verður golfhringurinn einfaldlega þægilegri.

Fyrir Sóla breytti NAVEE Birdie 3X ekki bara því hvernig hann flutti golfsettið sitt – heldur hvernig hann upplifði golfhringinn sjálfan.